ຍຸດທະສາດແລະວິໄສທັດ
ຍຸດທະສາດ ແລະ ວິໄສທັດ
ສ້າງຂື້ນເມື່ອ ວັນອັງຄານ, 06 ຕຸລາ 2015 07:39 | ອັບເດດລ່າສຸດເມື່ອ ວັນພຸດ, 29 ມີນາ 2017 15:34 | 
| 
| ກົດເບິ່ງ: 771
| | ກົດເບິ່ງ: 771- I. ວິໄສທັດຮອດປີ
ວິໄສທັດຮອດປີ 2030 “ເຮັດໃຫ້ພື້ນຖານທາງດ້ານວິທະຍາສາດ, ເຕັກໂນໂລຊີ ແລະ ນະວັດຕະກຳ ຂອງແຂວງ ມີຄວາມເຂັ້ມແຂງ, ກ້າວໜ້າ ແລະ ລະດັບການພັດທະນາໃຫ້ຍັບເຂົ້າໃກ້ຄຽງກັບບັນດາປະເທດອ້ອມຂ້າງ. ພັດທະນາ ວິທະຍາສາດ ແລະ ເຕັກໂນໂລຊີ ໃຫ້ສາມາດເປັນກຳລັງຕົ້ນຕໍ ໃນການຂັບເຄື່ອນການພັດທະນາເສດຖະກິດ-ສັງຄົມ ຂອງແຂວງ, ພັດທະນາຂະແໜງການທີ່ເປັນທ່າແຮງ ໃຫ້ສາມາດເປັນເຈົ້າການ ໃນການຄົ້ນຄວ້າ, ດັດປັບນຳໃຊ້ ຜົນສຳເລັດວິທະຍາສາດ ແລະ ເຕັກໂນໂລຊີໃໝ່ ເພື່ອຍູ້ໜູນໃຫ້ແກ່ການເລັ່ງລັດພັດທະນາຕາມທິດຫັນເປັນອຸດສະຫະກຳ ແລະ ທັນສະໄໝ”.
- II. ຍຸດທະສາດຮອດປີ
ເພື່ອໃຫ້ບັນລຸຕາມວິໄສທັດຂ້າງເທິງນັ້ນ, ຍຸດທະສາດຮອດປີ 2025 ສຳລັບການພັດທະນາວຽກງານວິທະຍາສາດ ແລະ ເຕັກໂນໂລຊີ ຂອງແຂວງ ອຸດົມໄຊ ສຸມໃສ່ຈັດຕັ້ງປະຕິບັດ 8 ແຜນງານໃຫຍ່ດັ່ງນີ້:
ແຜນງານທີ 1: ສ້າງຈິນຕະນາການ ດ້ານວິທະຍາສາດ ແລະ ເຕັກໂນໂລຊີ.
ແຜນງານນີ້ສຸມໃສ່ເຜີຍແຜ່ສ້າງຈິດສຳນຶກ ແລະ ວັດທະນະທຳ ທາງດ້ານວິທະຍາສາດ ແລະ ເຕັກໂນໂລຊີ ແລະ ນະວັດຕະກຳໃນທົ່ວສັງຄົມ ເພື່ອເຮັດໃຫ້ນັກຮຽນນັກສຶກສາ, ພະນັກງານ, ປັນຍາຊົນ ແລະ ປະຊາຊົນທົ່ວໄປຮັບຮູ້ ແລະ ເຂົ້າໃຈກ່ຽວກັບບົດບາດ, ຄວາມສຳຄັນ ແລະ ຄວາມອາດສາມາດ ຂອງວິທະຍາສາດ, ເຕັກໂນໂລຊີ ແລະ ນະວັດຕະກຳ ໃນການແກ້ໄຂບັນຫາທາງດ້ານເສດຖະກິດ-ສັງຄົມ.
ແຜນງານ ທີ 2: ປັບປຸງການຈັດຕັ້ງ, ກົນໄກ ລະບອບ-ລະບຽບການຄຸ້ມຄອງ ວຽກງານວິທະທະຍາສາດ ແລະ ເຕັກໂນໂລຊີ.
ສຸມໃສ່ປັບປຸງການຈັດຕັ້ງໃຫ້ສອດຄ່ອງກັບສະພາບແວດລ້ອມ ແລະ ເງື່ອນໄຂອັນໃໝ່ຂອງແຂວງ, ປັບປຸງກົນໄກການຄຸ້ມຄອງ, ການຜັນຂະຫຍາຍນິຕິກຳ ເພື່ອສ້າງເງື່ອນໄຂ ແລະ ສົ່ງເສີມໃຫ້ວຽກງານວິທະຍາສາດ, ເຕັກໂນໂລຊີ ແລະ ນະວັດຕະກຳ ຂອງແຂວງ ໄດ້ຮັບການພັດທະນາ ຢ່າງເປັນລະບົບ, ຕໍ່ເນື່ອງ, ວ່ອງໄວ ແລະ ຍືນຍົງ.
ແຜນງານທີ 3: ພັດທະນາຊັບພະຍາກອນມະນຸດ ດ້ານວິທະຍາສາດ ແລະ ເຕັກໂນໂລຊີ.
ສຸມໃສ່ການພັດທະນາຊັບພະຍາກອນມະນຸດ ໃນຂົງເຂດວິທະຍາສາດ, ເຕັກໂນໂລຊີ ແລະ ນະວັດຕະກຳ ຢ່າງມີຈຸດສຸມ ໂດຍສະເພາະ ແມ່ນການພັດທະນາພະນັກງານນຳພາຄຸ້ມຄອງຂັ້ນແຂວງ-ຂັ້ນເມືອງ, ນັກຄົ້ນຄວ້າ, ນັກວິທະຍາສາດ, ນັກວິຊາການ, ຊ່ຽວຊານສະເພາະດ້ານ, ຜູ້ປະກອບການ ແລະ ຜູ້ທຳການຜະລິດ. ການພັດທະນາຊັບພະຍາກອນມະນຸດຈະຕ້ອງສົມທົບຫຼາຍຮູບແບບ ເປັນຕົ້ນແມ່ນພັດທະນາຕາມລະບົບການສຶກສາ, ການຝຶກອົບຮົມ ແລະ ການສຳມະນາ, ການສ້າງໂຄງການ ຫຼື ກິດຈະກຳການຮ່ວມມື ລະຫວ່າງພາກລັດ, ສະຖາບັນການສຶກສາ ແລະ ພາກທຸລະກິດ, ການຈັດຕັ້ງປະຕິບັດການຮ່ວມມືກັບຕ່າງປະເທດ ແລະ ຮູບແບບອື່ນໆ.
ແຜນງານ ທີ 4: ສ້າງຄວາມເຂັ້ມແຂງ ພື້ນຖານໂຄງລ່າງ ດ້ານວິທະຍາສາດ ແລະ ເຕັກໂນໂລຊີ.
ເລັ່ງໃສ່ພັດທະນາ ວຽກງານໂຄງລ່າງພື້ນຖານໃຫ້ມີຄວາມເຂັ້ມແຂງ ສາມາດຕອບສະໜອງໄດ້ ຕາມຄວາມຮຽກຮ້ອງຕ້ອງການ ຂອງຄຸ້ມຄອງ, ການຄົ້ນຄວ້າ ພັດທະນາ ແລະ ການບໍລິການດ້ານ ວິທະຍາສາດ ແລະ ເຕັກໂນໂລຊີ ພາຍໃນແຂວງ.
ແຜນງານທີ 5: ຄົ້ນຄວ້າ, ດັດປັບ - ນຳໃຊ້ ວິທະຍາສາດ ແລະ ເຕັກໂນໂລຊີ ເຂົ້າໃນການພັດທະນາ ເສດຖະ ກິດ-ສັງຄົມ.
ແຜນງານນີ້ ສຸມໃສ່ເອົາຂະແໜງການວິທະຍາສາດ ແລະ ເຕັກໂນໂລຊີ ເປັນໃຈກາງສົມທົບ ກັບພະແນກການທີ່ເປັນກຳລັງ ສຳຄັນໃນການພັດທະນາເສດຖະກິດ-ສັງຄົມ ເພິ່ມການຄົ້ນຄວ້າ ດັບປັບ-ນຳໃຊ້ ວິທະຍາສາດ, ເຕັກໂນໂລຊີ ແລະ ນະວັດຕະກຳ ຢ່າງມີຈຸດສຸມ ເພື່ອຍູ້ໜູນ ການພັດທະນາເສດຖະກິດ-ສັງຄົມຂອງແຂວງ ໃຫ້ບັນລຸຕາມຄາດໝາຍ, ຕໍ່ເນື່ອງ ແລະ ໝັ້ນຄົງ.
ແຜນງານທີ 6: ເພີ່ມທະວີການນຳໃຊ້ວິທະຍາສາດ ແລະ ເຕັກໂນໂລຊີ ເພື່ອແກ້ໄຂຄວາມທຸກຍາກ.
ແຜນງານນີ້ ເລັ່ງໃສ່ການຖ່າຍທອດຄວາມຮູ້ເຕັກນິກໃໝ່ ທາງດ້ານວິທະຍາສາດ, ເຕັກໂນໂລຊີ ແລະ ນະວັດຕະກຳ ເພື່ອຊຸກຍູ້ການຜະລິດ ເປັນສິນຄ້າ, ຍົກສະມັດຕະພາບການຜະລິດ, ຍົກລະດັບຄວາມອາສາມາດໃນ ການຄຸ້ມຄອງ ແລະ ການແຂ່ງຂັນການຜະລິດ ຂອງຜູ້ຜະລິດພາຍໃນ ເພື່ອສ້າງລາຍຮັບໃຫ້ແກ່ປະຊາຊົນ ແລະ ຍົກລະດັບຊີວິດການເປັນຢູ່ຂອງປະຊາຊົນໃຫ້ດີຂື້ນເລື້ອຍໆ.
ແຜນງານທີ 7: ປັບປຸງ ແລະ ຂະຫຍາຍການບໍລິການ ດ້ານວິທະຍາສາດ ແລະ ເຕັກໂນໂລຊີ.
ແຜນງານນີ້ ສຸມໃສ່ປັບປຸງ ການບໍລິການດ້ານຄວາມຮູ້ວິທະຍາສາດ, ເຕັກໂນໂລຊີ ຂໍ້ມູນຂ່າວສານ, ການຖ່າຍທອດເຕັກໂນໂລຊີ ແລະ ນະວັດຕະກຳ ໃຫ້ແກ່ສັງຄົມໃຫ້ກ້ວາງຂວາງ, ປັບປຸງ ແລະ ຂະຫຍາຍການບໍ ລິການທາງດ້ານຊັບສິນທາງປັນຍາ, ມາດຕະຖານ ແລະ ການວັດແທກ ໃຫ້ທົ່ວເຖິງຫຼາຍທີ່ສຸດພາຍໃນແຂວງ.
ແຜນງານທີ 8: ຂະຫຍາຍການຮ່ວມມືກັບຕ່າງເທດ ທາງດ້ານວິທະຍາສາດ ແລະ ເຕັກໂນໂລຊີ.
ສຸມໃສ່ສ້າງເງື່ອນໄຂຂະຫຍາຍການພົວພັນຮ່ວມມືກັບຕ່າງປະເທດ ທາງດ້ານວິທະຍາສາດ, ເຕັກໂນໂລຊີ ແລະ ນະວັດຕະກຳ ຕາມແນວທາງ ແລະ ຫຼັກການຂອງພັກ ໂດຍເນັ້ນໃສ່ຮ່ວມມືພັດທະນາວິທະຍາສາດ, ເຕັກໂນໂລຊີ ແລະ ນະວັດຕະກຳ ຕາມເງື່ອນໄຂທ່າແຮງຂອງແຂວງ ຢ່າງເປັນເຈົ້າການ ແລະມີໄຫວພິບ ເພື່ອຮ່ວມກັນພັດທະນາ ວິທະຍາສາດ, ເຕັກໂນໂລຊີ ແລະນະວັດຕະກຳ ໃຫ້ສາມາດກ້າວທັນກັບຂົງເຂດອື່ນໆ.
ຄົ້ນຫາ
ປະຕິິທີນ
ຈຳນວນຜູ້ເຂົ້າຊົມ
250960
ມື້ນີ້
ມື້້້ວານນີ້
ອາທິດນີ້
ອາທີດແລ້ວ
ເດືອນນີ້
ເດືອນແລ້ວ
ຜູ້ເຂົ້າຊົມທັງໜົດ
117
269
1045
249915
1045
1055
250960
Your IP: 192.168.21.254
2021-01-23 05:23